السوبيا من اشهر المشروبات في الحجاز , من الطبيعي ان تجد على كل سفرة فطور مشروب السوبيا
السوبيا انواع ::
* سوبيا الشعير
* سوبيا التمر الهندي
* سوبيا الزبيب
طبعا انا اخترت لكم سوبيا الزبيب .. لما للزبيب فوائد كثيره من اهمها انه مفيد
للدم ..
فالزبيب يخفض ضغط الدم ومصدر للبوتاسيوم ....
المقادير ::
كاس ونص زبيب اسود
ملعقه كبيره شوفان
2فنجان سكر
نص ملعقه صغيره هيل مطحون
نص ملعقه صغيره قرفه (دارسين) مطحون
ملعقه كبيره ماء ورد
نص كاس توت مركز
6كاسات ماء
الطريقه ::
في البدايه نحط الكاس والنص (الزبيب) بغضاره او قدر
بعدين نغسله بالماء غسل كويس لان احيان يكون فيه غبار
بعد مانغسله نحط عليه ملعقة الشوفان
ثم نصب عليهن 3 كاسات ماء ساخنه (من الست كاسات)
نحركه بالملعقه ثم نغطيه ونتركه لمدة 24 ساعه المهم يكون بمكان بارد عند مكيف او في الثلاجه
بعد مرور الاربع وعشرين ساعه .. نحط عليه الهيل والقرفه وملعقة ماء الورد والثلاث كاسات الماء المتبقيه وفنجانين السكر
نحطه بالخلاط ونخلطه جيدا
بعد مانخلطه نشخله بالمشخال .. عاد لا اوصيكم الله الله بالشخل والمطرسه
اذا انتهينا من الشخل
نضيف على المشروب نص كاس توت عشان يزين اللون 
واخيرا طلع معنا المشروب بالشكل التالي
للمعلوميه :: الشوفان هي شوربة الكويكر ..
في الاخير :: انا حريص جدا ان الواحد يسوي السوبيا بنفسه لانه وللاسف اللي تباع بالشوارع فيها من المطرسه والوساخه ما الله به عليم
فلذلك مطرستك انت احسن من مطرست غيرك