عنوان الوصفة: عجينة العشر دقائق للبيتزا بالصور من مطبخي وطريقة تفريزها . اضيفت بواسطة : شيف لطيفة . بتاريخ: 15/11/2014.
عجينة العشر دقائق للبيتزا بالصور من مطبخي وطريقة تفريزها
طريقة عجينة العشر دقائق. بإسم الله نبدأ:
هذي مقادير المجموعة الأولى بعد ما خمرت وهي
2 كوب ماء دافئ
2 كوب دقيق
1 فنجان سكر
2 ملعقة طعام خميرة
2 ملعقة طعام حليب
واهني مقادير المجموعة الثانية ½ كوب زيت و3 أكواب دقيق فاخر منخول مضاف له رشة ملح
صبية مقادير المجموعة الأولى لاني قررت أعجن بإيدي . لاحظوا عزيزاتي كيف المزيج كيف وخامر ومليان فقاقيع.
وضفت الدقيق
وبديت أعجين وهني بدأت تظهر ملامح العجينة
ضفت مقدار الزيت وعجنت أكثر
لاحظوا هذي المرحلة العجينة لينة لكن يوم نشلها من الاناء ما تلزق فيه
واهني أحبتي العجينة صارت ملمومة على بعض لكنها ما زالت بحاجة إلى عجن
اهني نزلت العجينة على سطح مرشوش بالدقيق
وبديت أعجنها زين
لاحظوا كيف لينة ومتماسكة
وهذي هي العجينة الحلوه بعد ما خلصنا من عجينة لاحظوا كيف متماسكة
واهني صوره عن قرب لقوامها
هذي العجينة قسمتها بالنص لاني الوالدة تبى صينية بيتزا كبيرة . النص الثاني حق شوكلاتة
اهني بعد ما كورتهم الكره الكبيرة لبيتزة الوالدة والجزيئين الصغار قررت أسوي نوعين فطاير
في تاوة مدهون شوية زيت فردت الجزء الكبيرة بهذي الصورة
وحطيت الكتشب
ووزعته على كامل الصينية
وبعدين الوالدة كانت مقطعة الخضرة وهي (طماطم مقشرة – فلفل بارد – زيتون أخضر) وبعدين رشت الصينية بالجبن المبشور
ودخليتها الفرن على حرارة 160 درجة لحوالي 20 دقيقة وفتحت الشواية عليها عسب الجبن يحمر شوي . وهذا شكلها بعد ما طلعتها
واهني صورة أقرب
لاحظوا ماشاء الله بعد ما بردت كيف هشة وقطنية .
واهني شكهم من داخل طبعا ما أقدر أوصف لكم مذاقها . وعلى فكرة اذا تمت لحد ثاني يوم تكون بنفس الطراوة يعني ما تيبس
(طبعاً هذا اذا تم شي)
والان بقدم العجنية هذي بفكرة جديدة وهي تفريز العجينة لإستخدامها في وقت لاحق. وكمثال بنطبق البيتزا والزعتر وممكن بنفس الفكرة تكون فطاير جبن او زعتر او لحم علماً بأن الدجاج مدة حياتة جداً قصيرة لا تتعدى الثلاث ايام في الفريزر بإسم الله نبدأ
قسمتها نصين واحدة بسويها بيتزا كبيرة ووحدة ميني بيتزا
فردتها بهذا السمك
واستخدمت صينية مرشوشة بالطحين مش مدهونة بالزيت لاني ما راح نخلي البتيزا تنضج للنهاية
حطيتها في الصينية
وكفكرة جديدة ومثل الجاهز المجمدة استخدمت عود خشبي لعمل ثقوب في العجينة
وهذا شكلها وخليها تخمر لمدة نص ساعة تقريباً
وخبزتها في فرن ساخن جدا لمدة 5دقايق فقط . خليت الحرارة توقف تضاعف الخميرة وصارت ناضجة بنسبة 70%وهذا شكلها أول ما طلعت من الفرن
وهذا شكلها يوم شلتيها لاحظوا كيف طرية جدا
وهذا شكلها من تحت
وغلفتها لحفظها في الفريزر إذا كنا بنسخدمها بعد حوالي اسبوع وفي الثلاجة إذا كنا بنستخدمها خلال يومين
وهذا شكلها بعد ما خمرت
والميني بيتزا بنفس الفكرة لكن على أصغير أتركم مع الصور
وهني بعد ما خمرت
طريقة الخبز
1-نسخن الفرن على حرارة عالية من فوق ومن تحت.
2- توضع الصينية في الرف الي تحت .
3- تخبز لمدة 5-7دقايق لحد ما تنتفخ ولونها يصير أبيض ناصع وتبدأ تنضح.