موسوعة الطبخ


عنوان الوصفة: السينابون بالصور مع عجينة السينابون بسيطة وسهلة وسريعة . اضيفت بواسطة : شيف لطيفة . بتاريخ: 15/11/2014.


 

السينابون بالصور مع عجينة السينابون بسيطة وسهلة وسريعة
http://i982.photobucket.com/albums/ae308/cce4ever/cinabon2/22.jpg
وصفتي الجديدة والمعتمدة للسنابون . عجينة بسيطة وسهلة وسريعة ونتيجة في غاية الروعة وهذا شكل السنابون النهائي
http://i982.photobucket.com/albums/ae308/cce4ever/cinabon2/1.jpg

بإسم الله نبدأ:
مقادير عجينة السنابون:
4 أكواب ونص طحين فاخر منخول
2 بيض
1/2 كوب زيت
1 ملعقة شاي باكنج باودر
وما ننسى رشة الملح
http://i982.photobucket.com/albums/ae308/cce4ever/cinabon2/2.jpg

2 ملعقة طعام سكر
2 معلقة طعام خميرة فورية
2 معلقة طعام حليب بودرة
كوب و3/4 الكوب ماي دافي ( لو بتستخدمي الطحين الكويتي مقدار الماي هذا بيكون مظبوط%100)
http://i982.photobucket.com/albums/ae308/cce4ever/cinabon2/3.jpg

مقادير حشوة السنابون:
1/4 كوب زبدة لينة
1/4 كوب سكر أبيض أو بني
2 معلقة طعام جرفة بودر
1 ملعقة طعام كاكاو بودر
http://i982.photobucket.com/albums/ae308/cce4ever/cinabon2/4.jpg

مقادير صوص الجبن للتغطية :-
6حبات جبن كيري أو ربع كوب جبن كريمي مثل الفلادلفيا
1/2 كوب حليب مكثف محلى
http://i982.photobucket.com/albums/ae308/cce4ever/cinabon2/5.jpg

طريقة تحضير العجينة :
في خلاط العصير بنحط (الماء والزيت والبيض والسكر والحليب البودر والخميرة) ونخفقهم لحد ما لون الخليط يصير فاتح والخميرة تذوب بشكل جيد جداً في الخليط السائل. ونكون حاطين الطحين والباكنج بودر ورشة الملح في اناء واسع ونصب الخليط ونبدأ نعجن بشكل جيد
http://i982.photobucket.com/albums/ae308/cce4ever/cinabon2/6.jpg

لحد ما نحصل على عجينة ملساء ومتماسكة وهذا شكلها النهائي
http://i982.photobucket.com/albums/ae308/cce4ever/cinabon2/7.jpg

خليتها شوية حوالي ربع ساعة لحد ما جهزت الحشوة وبما اني الماي المستخدم دافي ماشاء الله على طول خمرت .
http://i982.photobucket.com/albums/ae308/cce4ever/cinabon2/8.jpg

خليط الحشو سهل مجرد خفق (الزبدة والسكر والجرفة والكاكاو البودر) بالخفاقة لحد ما ما يتكون صوص كثيف والسكر يبدأ يذوب ولونه بعد ما يكون غامق بسبب بودرة الكاكاو يصير فاتح من الخفق.
http://i982.photobucket.com/albums/ae308/cce4ever/cinabon2/9.jpg

جذي العجينة جاهزة والحشو جاهز. أنا افضل الحشو يكون مخفوق مع بعض بهذا الصورة وهو أفضل من الطريقة التقليدية الي هي دهن العجينة بالزبدة وبعدين نرش السكر والجرفة وهذا لسببين نكهة السنابون تكون قوية وواضحة جداً عن تجربة وفي الفرن ما تذوب الحشوة ولا تسيح وتظل ثابته وهذا الي بنشوفة في المرحلة الياية.
http://i982.photobucket.com/albums/ae308/cce4ever/cinabon2/10.jpg

نبدأ نفرد العجينة بالنشابة
http://i982.photobucket.com/albums/ae308/cce4ever/cinabon2/11.jpg

ونحاول نخليها سميكة شوية علشان وقت فرد الحشو واللف بعد بتصير رهيفة نراعي هذي النقطة.
http://i982.photobucket.com/albums/ae308/cce4ever/cinabon2/12.jpg

نوزع الحشو على السطح ونخلي حوالي 3 سم في النهاية عسب تتماسك العجينة وما تفتح وقت الخبز
http://i982.photobucket.com/albums/ae308/cce4ever/cinabon2/13.jpg

ونلفها رولابتسامة
http://i982.photobucket.com/albums/ae308/cce4ever/cinabon2/14.jpg

ونبدأ نقطعها بسمك اصبعين وهذا هو المقاس الصحيح للسنابون
http://i982.photobucket.com/albums/ae308/cce4ever/cinabon2/15.jpg

http://i982.photobucket.com/albums/ae308/cce4ever/cinabon2/16.jpg

نصفهم في صواني مبطنة بورق الزبدة ونخليهم يخمرون
http://i982.photobucket.com/albums/ae308/cce4ever/cinabon2/17.jpg

لحد ما يخمر السنابون جهزت الحشو خفقت الجبن ويا الحليب المكثف المحلى
http://i982.photobucket.com/albums/ae308/cce4ever/cinabon2/20.jpg

نقطة مهم.
بالنسبة لي أفضل يكون السنابون دافي وصوص الجبن كثيف مثل جي عسب حرارة السنابون تذوب الصوص ويغطيها بس بدون ما ينزل وايد على الجوانب . والعكس صحيح لو كان السنابون عندج بارد يفضل الصوص يكون سائل شوي وهذا تتحكمين فيه عن طريقة اضافة الحليب المكثف المحلى والخفق حتى الوصول للقوام المثالي.
http://i982.photobucket.com/albums/ae308/cce4ever/cinabon2/21.jpg

أنا خمر السنابون ^_^ من النوع الي اي نوع معجنات أحب أخمره بعد الحشو والتشكيل والسبب هو الحصول على أروع شكل ممكن لاحظوا بعد التخمير كيف شكلهم حلو.
http://i982.photobucket.com/albums/ae308/cce4ever/cinabon2/18.jpg

الكمال لله وحده
http://i982.photobucket.com/albums/ae308/cce4ever/cinabon2/19.jpg

خبز السنابون
خبزته في فرن سبق تسخينة على حرارة 190 لمدة 10 دقايق . المعجنات عموماً كل ما خبزيتها في فرن حار جدا ولمدة قصيرة راح تكون النتيجة معجنات منتفخة جدا وقمة في الهشاشة وفاتح اللون من الداخل والعكس صحيح لو خبزنه في فرن متوسط الحرارة ولمدة طويلة بتكون معجناتنا مش بدرجة الهشاشة المطلوبة ولا حتى الانتفاخ. وهذا شكل السنابون بعد الخبز.
http://i982.photobucket.com/albums/ae308/cce4ever/cinabon2/22.jpg

سنابون مثالي ماشاء الله . تذكرين يوم قلت يفضل نخفق الحشو عسب ما تظهر من السنابون وما تسيح هذي النتيجة ^_^
http://i982.photobucket.com/albums/ae308/cce4ever/cinabon2/23.jpg

لاحظي السنابون بروحها اتبطلت من كثر ماهي هشة وترفة ومثل القطن أنصحج تجربينها.
http://i982.photobucket.com/albums/ae308/cce4ever/cinabon2/24.jpg

مثل ما قلت الصوص عندي كثيف وبارد والسنابون دافي . حطيت خاشوقة كبيرة من الصوص على وجه السنابون وخليته يذوب ويسيح بحرارة السنابون وهذي النتيجة هذا شكلها من فوق
http://i982.photobucket.com/albums/ae308/cce4ever/cinabon2/25.jpg

وهني من الجنب
http://i982.photobucket.com/albums/ae308/cce4ever/cinabon2/26.jpg

وطبعاً نكهة السنابون ما تكمل بدون رشة من صوص شوكلاتة الهيرشي أتركم مع الصور النهائية
http://i982.photobucket.com/albums/ae308/cce4ever/cinabon2/28.jpg

http://i982.photobucket.com/albums/ae308/cce4ever/cinabon2/29.jpg

http://i982.photobucket.com/albums/ae308/cce4ever/cinabon2/30.jpg

وسوينا حساب وحدة غالية علينا وحطينا كامن حبة في علبة بلاستك
http://i982.photobucket.com/albums/ae308/cce4ever/cinabon2/31.jpg

واختي الله يهديها اونة تبى ترش صوص الهيرشي قلتلها انزين بس بطريقة حلوة وفنية قالت لي اوكي لا تحاتين من هذي الناحية
http://i982.photobucket.com/albums/ae308/cce4ever/cinabon2/32.jpg


وهذي النتيجة خربت لي السنابونابتسامة وين الفن ما أدريابتسامة
http://i982.photobucket.com/albums/ae308/cce4ever/cinabon2/33.jpg

مع محبتي
لطيفة مسعود


عودة الى وصفات الطبخ