فالبداية ... اهم شي التعقيم ... قبل الدخول إلى المطبخ .. من شروط الطبخ عندي
تحميص البيذام و الكاجو
قلي البصل لزينة العيش
انودن العيش من وقت ... عسب يتمدد و يطول .. و بنغسل عدل .. زين مازين
أهم بارت بالنسبة لي ... اسميني غسلت الدياي غسال ... لين ما طار لونه فقير لزوم النظافة
اندق الثوم و الزنجيل عسب انسوي المعجون الخاص بالبرياني
هنيه المواد كلها اكتملت ... و مرتبنها حق الطباخ
انحطي الزيت و السمن ( كيوبيبي) ....
عقب انحطي البهارات بكباراها ( المسمار و الهيل و الجرفة و الفلفل الأسود و ورق الغار ) عسب يظفي نكهة مميزة للعيش
نضيف الحليب الطازج على الخليط ... تحملو اهنيه .. نطش علي و حرقني ... الزيت كان وايد حار
عقب انحطي العيش و نخلطه عدل ...
و نصب الماي الحار فوق العيش بمقدار 1 سم
فجدر ثاني انسوي نفس الشي حق خلطة الدياي ( الزيت و البهارات )
عقب انحطي الدياي على الزيت و البهار و انتم نقليه لين ما يحمر لونه
[FONT=Arial]
اهنيه العيش خلاص نشف الماي ماله و نزينه بالأصباغ و نحطي البصل المقلي و النعناع
هنيه الدياي خلاص نظا ... نصفيه من الزيت و البهار و نغسل الجدر عسب انسوي الصوص مالته
هنيه سويت الصوص .. ما بخبركم الخلطة (سرية)
عقب احطي الدياي فالصوص عسب يتشربها عدل ..
و انتم نخلط لين ما تعن ايدينا
هنيه زهبت خلطة الدياي
انحطي هالجدور عسب انسوي جدر التسكير النهائي ...
اول شي نحطي طبقة من العيش
عقب طبقة من الصوص
طبقة العيش و الصوص
لين ما نوصل فالنهاية و تكون طبقة عيش
انزينه بالمكسرات و الزبيب و النعناع و الكزبرة و البصل المقلي و شوي ماي ورد
[/FONT]
عقب احطي على اطراف الجدر عجينة لكتم البخار داخل الجدر اثناء تسكير العيش .. عسب يطلع مطبوخ عدل و نثري ..
و انحطي الغطاة
اهنيه بنسوي السلطة ... نفرم البطل فرم ناعم
عقب انحطي الخيار المفروم
و عقب احطي الطماط المفروم
عقب انحطي الروب ( قليل الدسم ) حسب الرغبة
و عقب انحطي البهارات .... خلطة سرية
اهنيه وقت الغراف ... هذا صحني ... اسميني خربت الريجيم صح ...