عنوان الوصفة: الفاهيتا أكلة سريعة بالصور . اضيفت بواسطة : ملوكة . بتاريخ: 18/11/2014.
الفاهيتا أكلة سريعة بالصور
الفاهيتا ممكن تعمليها بفراخ او لحمة بنفس الطريقة وتقدميها مع الرز بالفلفل او الرز المسلوق
هنا باللحمة
المقادير
نص كيلو فراخ او لحمة مقطعة شرائح رفيعة
فلفل الوان مقطع مكعبات
بصل
ليمون وفلفل اسود وملح لتتبيل اللحمة او الفراخ
بابريكا
ولو عايزة تزودي توم وجنزبيل بودرة اوكيه وبهار لحمة
2 حبة بطاطس مقطعة مكعبات
الطريقة
تبلي الفراخ او اللحمة بالبهارت والليمون
شوحيهم في شوية زيت
حطي مية وغطيها وسبيها تستوي
لما تقرب على السوا ولسة فيها مية حطي معاها البطاطس وزودي الملح والفلفل والبابريكا
لما تستوي حطي البصل والفلفل على الوش ومن غير تقليب وغطيهم كويس ووطي النار
لما يستوا الخضار قلبي واطفي النار واغرفي على طول
وبالهنا والشفا