عنوان الوصفة: كرات البطاطس بالقشطة والجبن بالصور . اضيفت بواسطة : شهرزاد . بتاريخ: 24/11/2014.
كرات البطاطس بالقشطة والجبن بالصور
جايبه لكم طبق صج لذيذ
كرات البطاطس بالقشطة والجبن
وكل واحد يبي يعرف طعمه يسويه
يله نجي للمقادير:
4حبات بطاطس حجمها كبير
علبة جبن شيدر حجمها وسط (نبشرها)
بصلتين كبار(مقطع صغير)
ملعقتين كبار زبدة
ملح وفلفل أسود وبهار
((مقادير خلطة القشطة))
2 علبة قشطة
8 حبات جبن مثلثات
ربع كوب ماء
الطريقة:
أول شي نسلق البطاطس ونهرسها مع الملح والفلفل والبهار ونخلط معها الجبن المبشور
نأخذ مقدرا صغير من الخلطة ونمسح يدنا بالزيت وبعدين نكورها
ونصف كرات البطاطس في صينيه بايركس
نحمر البصل بالزيت ونوزعه على كرات البطاطس
نضع مقادير خلطة القشطة في الخلاط ونصبها على الكرات وندخل البايركس في الفرن
لمدة 20 دقيقة تقريبا
وهذا الصحن عشانكم
تستاهلون
تحياتي شهرزاد