موسوعة الطبخ
عنوان الوصفة: صينية التوست بالدجاج والجبنة والمايونيز بالصور . اضيفت
بواسطة : شهرزاد . بتاريخ: 24/11/2014.
صينية التوست بالدجاج والجبنة والمايونيز بالصور
جايبه لكم اليوم صينية التوست بالدجاج
أني شفت طريقتها بالتونه وبما أني ما أحبها
فغيرت الى الدجاج وطلعت صج لذيذه
يعني الحشوه تقدرون تغيرون فيها كل واحد وذوقه
المقادير
كيس سليس(توست)
صدر دجاجه مسلوق
فليفله بارده
مشروم
ملفوف
بصل
جبنه موزاريلا أو جبنة مبشوره
((للصلصة البيضة نحتاج))
علبة قشطة
ملعقتين مايونيز
4 ملاعق جبنة سائلة
الطريقة
نخلط الصلصة البيضة مع بعض ونجيب صينية الفرن ونمسحها بالقليل من هالصلصة
ونصف عليه طبقه من لسليس ونمسحها بنصف مقدار الصلصة
ونعمل الحشوه بتحمير البصل ونضيف عليه الدجاج والمشروم الى أن يحمرو قليلا
وبعدها الفليفله والملفوف ونضيف عليهم الملح والفلفل الأسود والبهارات
ونضع الخلطه على لسليس
ونصف فوقها طبقه ثانيه من لسليس ونمسحها بباقي الصلصه ونرش الجبن عليها
وندخلها الفرن لمدة نصف الى ثلث ساعه تقريبا وتحمر من الأعلى
وبعد ماطلعونها من الفرن شوفو الطعم العجيب واللذيذ
وبالعافيه
أتمنى تعجبكم