عنوان الوصفة: خبز الرقاق المصري بالصور . اضيفت بواسطة : noorelhoda . بتاريخ: 28/11/2014.
طريقة عمل خبز الرقاق المصري بالصور
مقادير عمل العجينه
كيلو طحين ننقص منه نصف كوب ونتركه جانبا لان ممكن العجينه تحتاج على حسب نوع الطحين
كوب ونصف ماء دافىء وممكن نحتاج اكتر ربع كوب مثلا لو العجينه احتاجت
ملح
عجينه الرقاق عجينه سهله جدا اهم شىء فى هذه العجينه هو طريقه عجنها او بمعنى اخر مده العجن فهى تحتاج حوالى ربع ساعه بالعجانه او 45 دقيقه باليد ماتستغربوش فعلا تحتاج هذا الوقت وسر نجاحها هو عجنها جيداالاول كنت بعجنها بيدى قبل ما اشترى العجانه وكانت بتطلع ممتازه
نضع الدقيق والماء والملح فى العجانه ونبدأ العجن
بعد مرور عشر دقائق مثلا نحاول نشد العجينه حنلاقيها بتتقطع مننا وده معناه انها لسه موصلتش للشكل المطلوب
وبعد ربع ساعه شوفى شكلها شوفوا بتتشد ازاى من غير ما تتقطع لازم تبقى ملساء وتتشد زى اللبانه (العلكه )
ودى صوره كمان شوفوا اهم حاجه انها توصل لكده لانها لو كانت لسه مرمله حتتقطع مننا فى الفرد ودى ملحوظه مهمه التزموا بيها
وهنا قطعت العجين الجزء اللى حنعملوا فطير مشلتت بضع كور العجينه فى طبق به زيت
والثاني حعمله رقاق يوضع فى طبق مرشوش بدقيق وده الاختلاف بينهم في العجينه
نترك العجين يرتاح فتره حوالى ربع ساعه قبل الفرد ونغطيه بقطعه قماش نظيفه
هنا العجين جاهز للفرد نبدأ نعمله
عمل الرقاق المصرى
خدوا بالكم وانتبهوا يا اخواتى
الفطير المشلتت والمحشي نفرد العجينه بتاعته على زيت
لكن عجينة الرقاق يفرد على رخامه بها دقيق ويفضل يكون دقيق قمح بيعطيه طبقه جيريه جميله اوى
طبعا واحنا بنفرد حنلاقى صعوبه شويه فى الفرد وحجم الرقاق اختيارى انا عملته صغير نضعه فى صاجه الفرن مفروشه بورق زبده ونضعه عالرف الاول الملاصق للنار على حراره 200 خمس دقائق فقط حتلاقيه احمر شيليه من الفرن وهوه طرى وافرديه فى صينيه وحينشف بسرعه
هنا شكله بعد خروجه من الفرن
نحضر صينيه وندهنها زبده ونحضر شوربه سخنه ياسلام لو شوربه بط تجنن ونسقى ورقه الرقاق بالشوربه ولازم تكون سخنه هكذا
نكرر العمليه مع ثلاث ورقات رقاق مثلا وبعدها نضيف لحمه مفرومه معصجه
ونكرر العمليه السابقه واخر طبقه من الرقاق نضع عليها زبده
وندخلها الفرن ربع ساعه تتحمر من تحت وبعدين نحمرها من فوق
وده شكل الرقاق
شوفوا جميل ازاى
اللهم اغفر للمسلمين والمسلمات والمؤمنين والمؤمنات الاحياء منهم والاموات
انتهى موضوعى يارب يعجبكم