مقاديري لنص دجاجة
الطريقة
نجيب زبديه عميقة نخلط فيها قطع الدجاج ويفضل دجاج بعظم.. مع نص علبة زبادي مع عصير ليمونه مع فلفل أحمر منزوع البذر ومفروم يدويا مع بصل مفروم يدويا وثوم مفروم يدويا مع فليفله ألوان مقطعة شرائح للي حابه
البهارات نص ماجي فتتيها وثوم بورده وبابريكا وملح و بهارات ( انا حطيت رشتين من بهارات الكبسة المطحونه و بهارات هندية )
اخلطي الخليط مع الدجاج لما يتجانس حطيه ب الثلاجة شوية
وجيبي البطاطس اغسليه لما ينظف من الأتربة وقطعيهم ( على شكل هلال وبدون تقشير) جيبي صينية للفرن وحطي البطاطس فيها ورشيه بملعقتين زيت زيتون.. ثوم بودرة بهارات مشكله وبابريكا اذا تحبينه حار... تغلفينه ب قصدير وتخفسينه وعلى الفرن ولعي عليه من تحت
وبنفس الوقت
تطلعين الدجاج من الثلاجة وتدهنين صينية ثانية للفرن بزيت عشان ما يلصق وتحطين الخلطة كلها الدجاج بصوصه..تغلفين الصينية ب قصدير وتخفسينه ومع صديقه البطاطس على الفرن
كلهم تقريبا 40 دقيقة ويستوون افتحي القصدير عن الدجاج وخليه عشر دقايق إضافية والعين من تحت وشيكي على البطاطس اذا استوى طلعيه ورشيه بصوص ( ملعقة جبنة + ملعقة ما يونيز + نص ملعقة كاتشب) * في ناس تحط جبن كرافت مبشور وكل شخص واللي يشتهيه... ، رجعية على الفرن يتحمر الصوص..
طلعيه وحطيه بالطبق وجنبه قطع الدجاج الهندي وبالف صحة وعافية
* الدجاج الذ مع رز ابيض بس زوجي ما يحب الرز عشان كذا استبدلته ب البطاطس