عنوان الوصفة: عيش شيلاني محمر قطري بالصور . اضيفت بواسطة : التمساح . بتاريخ: 11/12/2014.
طريقة عمل عيش شيلاني محمر قطري بالصور
عيش محمر وسمك صافي مقلي
المقادير
رز منقوع
دارسين
هيل
ورق غار
سكر
سمج صافي
سمنة او زبده
الطريقة
نحط السكر في الجدر وندوره عشان يحتر ويذوب ويصبح مثل الكراميل وما نغمجه وايد لان بصير مر وطبعا تضيفون الكمية إلي تعجبكم على حسب الرغبة
نضيف عليه ماء مغلي لان لين حطينا ماي بارد بجمد لنا سكر وما بخليه يذوب بسهولة فنخلي ماي مثل حرارة السكر عشان ما يحجر لنا ونضيف له الدارسين والهيل مع ورق الغار
نضيف الرز لين طبخ الماي وسكر وبعدين نخليه يطبخ لين ما يستوي الرز ونشخله نذوب سمنه او الزبده ونضيف الرز ونخليه يتنشف
نبهر السمج وبعدين نقلي السمج
واكيد مع السمج سلطة جرجير
وباالهنا والعافية ولاتنسون الدقوس واللوازم الباقية عاد لاأوصيكم