عنوان الوصفة: بطاطس وباذنجان بالصلصة اكلة شعبية مصرية . اضيفت بواسطة : ملوكة . بتاريخ: 16/12/2014.
بطاطس وباذنجان بالصلصة اكلة شعبية مصرية
مقادير وطريقة العمل :
اقشر البطاطس واقطعها تخينة كده وارش عليها شوية ملح
بحب اقشر الباذنجان خط ابيض وخط اسود وبعدين اقطعه حلقات وانقعه في ميه وملح عشان ما يشربش الزيت
اقلي البطاطس الاول
وبعدين الباذنجان
وبعدين الفلفل
ارصهم في قوارب
وبعدين اعمل الصلصة
اجيب نص راس توم وافرمها واقليها في الزيت
وبعدين احط عليها طماطم مكعبات وفلفل مقطع واقليهم شوية
وبعدين اضيف ملعقة صلصة وملح وفلفل وكمون وشطة وخل
واسيبها تغلي لحد ما تتسبك وارشها على وش البطاطس والباذنجان
مش عارفة صور الخطوة دي مش لاقياها
وده شكلهم