عنوان الوصفة: صينية كوسة بالبشاميل بالصور . اضيفت بواسطة : ملوكة . بتاريخ: 17/12/2014.
صينية كوسة بالبشاميل بالصور
عملت صينية كوسة بالبشاميل بس طلعت حكاية
تعالو شوفو عملتها ازاي
المقادير
كيلو كوسة
مقدار من البشاميل
مقدار من العصاج
الطريقة
اولا نقطع الكوسة الى شرائح
اجيب طاسة واحط فيها شوية زيت وسمنة
واحمر الكوسة
وده شكلها بعد التحمير
ونسيبها
نيجي للعصاج
نحط شوية زيت في مقلاية ونصفر البصل
وبعدين نضيف اللحمة المفرومة وملح وفلفل اسود ورشة جوزة الطيب وشوية مية ونغطيها
وده شكلها بعد ماستوت
البشاميل
ح اقولكم على الخلطة السرية بتاعت البشاميل
اولا بعمله بحليب بودرة
ثانيا بحط باكو مرقة كنور الفورية
ثالثا ببشر علبة جبنة كرافت
الخلطة دي بتخلي البشاميل ناعم وطعمه كريمي وحلو اوي وطبعا مش بحط بيض
بحط حتة سمنة وشوية زيت في حلة واحمر فيه حوالي كوب دقيق
اضيف المرقة على الحليب الدافي
واضيفهم على الدقيق واحط الجبنة وملح وفلفل اسود واقلبهم بمضرب سلك على نار هادية
نيجي لرص الصينية
اولا احط شوية بشامي في الصينية
ارص طبقة كوسة
وطبقة عصاج
ورشة بشاميل
وطبقة كوسة
واحط باقي البشاميل
وادخلها الفرن
وده شكلها بعد ما تخرج
وبعد ماغرفتها
وبالهنا والشفا يا قمرات