موسوعة الطبخ


عنوان الوصفة: حمسة البشاميل لذيذه مع الخبز الايراني بالذات . اضيفت بواسطة : ام عامر . بتاريخ: 30/12/2014.


 

حمسة البشاميل لذيذه مع الخبز الايراني بالذات
http://photos.encyclopediacooking.com/image/recipes_pictures%D8%AD%D9%85%D8%B3%D8%A9-%D8%A7%D9%84%D8%A8%D8%B4%D8%A7%D9%85%D9%8A%D9%84-%D9%84%D8%B0%D9%8A%D8%B0%D9%87-%D9%85%D8%B9-%D8%A7%D9%84%D8%AE%D8%A8%D8%B2-%D8%A7%D9%84%D8%A7%D9%8A%D8%B1%D8%A7%D9%86%D9%8A-%D8%A8%D8%A7%D9%84%D8%B0%D8%A7%D8%AA.jpg

المقادير :

الحمسه : لحم مفروم / بصل مفروم ناعم / فلفل اخضر مقطع ناعم / باذنجان مقطع صغير

طماط مقطع ناعم / ثوم مفروم / فلفل اسود / باربيكا / دارسين ناعم / بهار مشكل

ملح / زيت زيتون / زعتر اخضر ناشف ( اللي نشربه ) / كاتشب / 1م سكر

كوب ماي حار


المقادير :

الباشميل بطريقتي : 2 حليب اي نوع بارد + 1 كريمه ك دد + 1 جيس باشميل

بودر اي ماركه + ملح + فلفل اسود + 1 فص ثوم ناعم


الطريقه :

الحمسه / نحمس البصل بزيت الزيتون .. بعد مايبدي يتغير لونه نضيف اللحم المفروم ... يفضل

انه يكون مومثلج ... نحمس لين يتغير لون اللحم وينشف مايه ...


نضيف الثوم + الباذنجان ... ونحمس ..ونضيف بعدها الفلفل الاخضر ... ونبهر

الحمسه ....


الحين بعد الفلفل نضيف الطماط .... ونحرك ... وبعدها الماي والكاتشب والزعتر


نخليهم لين يتجانسون مع بعض ... وتستوي الحمسه ... نتركها شوي

وبعدين نحطها بطبق ... علشان ندخلها عقب الفرن ...


الباشميل / نحط بالجدر كل السوائل ( الحليب + الكريمه ) + الباشميل البودر

+ الثوم الناعم .... ونحرك ... لين يثقل وعلى نار

عاليه ... وخليك يمه ... ترى يحترق ... بعدها نتبل بالملح والفلفل

عقب مايبرد شوي .... نصبه على الحمسه ... ممكن تحطين عليها جبن مبشور

انا حطيت زبده بس ... احس ماله داعي اشب الفرن من تحت ... لان الحمسه

مستويه خالصه وهم حاره ... بس من فوق علشان احمر الويه


وعليكم بالعافيه ... ودعواتكم لي ...


عودة الى وصفات الطبخ