تشيز كيك بالكليجا اخذت فكرته من حرفه كافيه النسائي ببريده ، حبيت فكرة دمج القديم بالحديث وتمازج النكهات والنتيجه طلعت اروع الحمد لله مما توقعت
اخذت تقريبا خمس حبات كليجا وطحنتهم وطحنت معهم كم حبة دايجستف وفركتهم مع نصف اصبع زبده ورصيتهم بصينية التشيز كيك
خليط التشيز اخذت وصفته من حبيبة قلبي نوره بعد طريقتها بسم الله عليها ودعت التشيز كيك البارد للابد
وصفتها سهله و ضبطت من اول مره
حطيت نصف الخليط على الصينيه بعدين جبت ( ليمون اسود مطحون + سكر ناعم + قرفه ) ورشيته وكثرت بحيث صار كأنه طبقه بعدين صبيت فوقه باقي خليط التشيز وخبزته مثل ماقالت نوره مدة ساعه بحمام مائي بعد ماغلفت الصينيه بثلاث طبقات قصدير وطلعته وتركته يبرد برا بعدين دخلته الثلاجه ليله كامله وعند التقديم زينته بدبس تمر وفستق مجروش
قدميه مع دلة قهوه
واستمتعي بالطعم