طريقة عمل مثلثات التوست بالخلطة الهندية بالصور
مثلثات التوست بالخلطة الهندية..خيال لاطعم ولاشكل
فيها البطاطس مع الفلفل الحار بنكهة الكاري معطيها طعم مرة يجنن وقرمشة تهبل جربوها ان شاء الله بتعجبكم،،
المقادير وطريقة العمل :
_ نشوح بصل وثوم على النار مع زيت زيتون ثم نضيف رشة كزبرة ناشفة وكمون وفلفل اسود وكاري .. وتقلب.
.
_ نضيف بطاطس مقطع مكعبات صغيرة ومسلوقة وبازاليا وفلفل اخضر حار شرايح.
.
_ نقلب الجميع دقايق ثم يبعد عن النار ونتركه يبرد ونضيف كزبرة مفروومة..
.
_ نحضر شرايح توست ونقصص حوافها ونفردها شوي بالفرادة..ونغمسها بالحليب السايل..ثم نضغط عليها شوي عشان يطّلع الحليب الزايد...
.
_نحشى مربع التوست بملعقة من الحشوة ونقفله على شكل مثلث ونضغط شوي.
.
_اذا خلصنا الكمية اللي عندنا..نبدا نغمسها بالبيض المخفوق ثم البقسماط..استخدمت النوع الخشن اخذته من الدانوب...
.
_نحمي الزيت ونقلي مثلثات التوست ..تتحمر بسرعة..صيفها واتركيها تدفأ شوي وقدميها..
وتلذذي بالطعم
وقدميها مع اي صوص حابة وعوافي على قلوبكم
وهنا فتحتها عشان تشوفون الحشوة ..
جربوها مرة لذيذة
