أومليت البيض بالتورتيلا
أومليت تورتيلا
الطريقه شفتها كمقطع فيديو لوحدة الله يعافيها
وعدلت عليها بلمساتي ..
المقادير والطريقه :
*4-5 بيض
*(طماط متوسطه,حفنة جرجير,بقدونس,فلفل بارد,فلفل حار أخضر)
نقطعهم ونحطهم بزبديه ونرش عليهم ليمون
+
رشة ملح,ثوم بودره,بهارات مشكل,كمون وفلفل,زعتر,سماق,حبة سوداء
نقلبهم سوا مع البيض والخضار ونحمي القلايه أو الصاج ع نار هاديه
نرش شي بسيط زيت زيتون ونصب مقدار من الخليط بالنص وراح ينتشر معاك ع شكل دائري تقريبا.
ولاتماسك شوي نحط خبز التورتيلا عالوجه ونضغطها من كل جهه
ثم نشيل قرص البيض من تحت ونقلبه ونصفطها وجهين
مع الضغط قليلا حتى تتحمر شي بسيط وممكن تتقطع مع النص ,تقدم وبالعافيه
جربوها لذيذه وتشبه للمطبق كثير
*التورتيلا المستخدمه حاره
*قبل وضع التورتيلا وإستواء البيض ممكن اضافة شرايح جبن
*ممكن تتقدم مع صوص طحينه أو أي صوص آخر
دعوااتكم
