عنوان الوصفة: اكلة المعدوس المكاوي الحجازي بالصور . اضيفت بواسطة : بنت المؤمنين . بتاريخ: 02/05/2015.
طريقة عمل اكلة وصفة المعدوس المكاوي الحجازي بالصور
جاء على بالي اليوم الارز بعدس واحنا في مكة نقوله معدوس
وعشان يكون توب وقمة لازم تكون مقبلاته معاه
المقبلات :سلطة لبن بالشبث * حمر * وزف (سمك صغار جدا)
وطبعا ناكله مع السمك او بدونه للي يحب
انا اليوم بدون سمك وعادتنا دايما ناكله بدون
اترككم مع الصور :
هذا الوزف للي مايعرفونه جدا لذيذ وتكشينة عادية بصل وثوم وفلفل اخضر مقطع وشوية زيت ثم نضيف الطماطم المفروم وشوية صلصة طماطم ونضيف الوزف وشوية موية
وكذا يطلع
وهنا لقطة جماعية للسلطات
وطبعا مايحلى الا مع الورقيات خس كراث جرجير بصل اخضر..
والان المعدوس وهي اكلة حجازية كل اهل المنطقة الغربية ياكلونها
المقادير
عدس وارز ابوسيوف او ابو بنت
وتكون كمية الارز اقل من العدس ويغسلون جيدا
وفي القدر شوي سمنة او زيت وبصل مفروم ناعم ونضع عليه الماء والارز والعدس
ثم نضع كمون مطحون وشوية ملح وكركم وماجي اذا فيه انا استغني عن الماجي
ويترك الى ان ينضج
وبعد كذا ثوم مفروم والكمية حسب الرغبة نضيف ونخليه يطبخ شوية ونطفي عليه
وهذا المعدوس في مرحلته الاخيرة بعد الغرف
وطبعا للي يحبو يرشون شوية سمن بلدي عليه احنا نحبه بس زوجي يبغى يخفف وحطيته على جنب واللي يبغى يصب في مكانه
وأكيد ماننسى اللبن الرايب ..
وانتهينا بحمد الله
جربوه واثقة انه بيعجيكم