عنوان الوصفة: الدونات المقلية بالصور خطوة خطوة . اضيفت بواسطة : سكون الليل . بتاريخ: 10/05/2015.
طريقة عمل الدونات المقلية بالصور خطوة خطوة
جربت عجائن كثيره لدونات بس هذه انجحها والي حسيت قريبه من الدونات الي نشتريها من برا
ولان بناتي يحبن شي اسمه دونات
قلت الا اجيب وصفه تكون قريبه بالي من الخارج
مقادير عجينة الدونات :
كوبين حليب سائل انا استخدمت حليب طويل الامد
بداله كوبين ماي و6 ملاعق حليب بودر-زبده 120 جرام- ثلث كوب سكر- رشه ملح -بيضه
فانيليا سائله ملعقه صغيره- طحين من اربع اكواب الى خمسه ع حسب-ملعقه طعام خميره فوريه
الطريقه:
تسخنين الحليب بس تسخين بعدها تضفينه على الزبده والسكر والملح وتحركين لحد ماتذوب الزيده
لما تذوب الزبده تضيفي البيضه والفانيليا
بعدها تضيفين الخميره
وتضيفي الطحين فالبدايه كوبين وتخلطين بعدها الكوبين صاروا اربع اكواب
وتعجنيها عدل واذا حسيتي انها محتاجه طحين ضيفي بس لاتكثرين العجينه بتكون شوي لينه
هنا قسمتها لقسمين
تحليجها عطول وتشكليها بدون ماتخليه تتخمر بعد ما شكلتيها حطيها بصينيه تتخمر
لساعه او ساعه ونص هنا بعد ما ارتاحت الدونات بس بامكانك تخلين العجينه ترتاح ساعه بعدها
تشكليها وتقلينها بس انا طريقتي كذا اشكلها واخلها تتخمر وهي متشكله
تقلين الدونات ع نار هادئه وتزينيها باي شي تحبيه انا زينتها بشكولاته
وهذه دوناتنا بصراحه لذيذه مقرمشه من برا ومن داخل طريه