طريقة عمل حشوة الدجاج المنتّف :
( أول شي نسلق الدجاج مع ورق غار وشوي هيل واعواد قرفه وكزبره كلها تكون عدله مو مطحونه ) وبعدين نتّفها حبه حبه عشان تطلع مره تجننن مو قطع كبيره ترى أحلا وعاد بكيفكم
وبعدين نجيب التاوه :
نحط زيت مع بصل مفروم ونحمسه لين يذبل ونضيف عليه طماطم مفروم بالخلاط ونخليهم يتسبّكون مع بهارات ايطاليه + فلفل اسود + بابريكا + كزبره مفرومه + بقدونس مجفف + ملح + ريحان مجفف + صلصة طماطم + فلفل أخضر حار مقطع قطع صغيره ( حسب الرغبه ) بس حلات الحشوه فيها لذعة وشوي من مرق الدجاج وإذا تسبّك مضبوط نضيف الدجاج المنتّف ونخلطه زين وخلصنا
ممكن الحشوة للسمبوسة وممكن للفطائر وممكن لاي معجنا ترغبين