موسوعة الطبخ
عنوان الوصفة: طريقة القهوه العربيه السعودية بخلطة القصيم بالصور خطوة خطوة . اضيفت
بواسطة : مها . بتاريخ: 08/06/2015.
طريقة القهوه العربيه السعودية بخلطة القصيم بالصور خطوة خطوة
how to make arabic coffee gahwa recipe step by step
غير عن القهوة اللي قبل كذا وذي القهوة للناس الي ما يحبون الاضافات وهم كثير فانا اذا كانت عندي عزيمه كبيره اسوي القهوه ثلاث اشكال ترمس او دله مثل القهوة الاولى و ترمس او دله مثل الي بقهوتي اليوم و ترمس او دله مثل قهوتي الثالثه الي مدري متى بنزلها شكلي برمضان اذا كنت من الحيين
تعالوا اعطيكم قهوة سعودية لذيذة من التحميص للتحضير
طريقة حمس و تحميص القهوة السعودية
هذي شخلت القهوه من القشر لان هذي اخر الكيس حق القهوه
و شوفو القشر بحوض الغساله وانا اشخلها بعد من انتهي من حمسها
اول ما حطيتها على النار
بادي اللون يتغير
وهنا خلاص القهوه مستويه
احط القهوه بالصحن علشان تبرد
وهالمره الحمسه للقهوه فاتحه لان الجمهور عاوز كذا الي يحبونها كيفهم كذا
بعدها نطحنها
طريقة عمل وتحضير القهوة العربية السعودية :
هنا عبيت البريق ماء وكمية الماء ملي الترمس الي بسوي فيها و شوفي علشان الغلي
حطيت ملعقه ونص قهوه انا استخدم الفنجال كا مقياس بس ماني عارفه عن البنات يفضلون الملعقه ولا ماعندهم مثل فنجالي حبيب قلبي هذا من ايام الملك عبدالعزيز الله يرحمه
وقبل ما اسكر بثلاث دقائق ق حطيت عليها بس هيل ملعقه و شوي وحجم الملعقه الصغيره مره الخاصة بالسكر
هذا الهيل الي استخدم او فرحانه بس مخلص كيسه برتقالي
صوره جماعيه للهيل و المسمار العويدي القرنفل قبل ما اطحنه
صوره اقرب انا احب المسمار يكون اشقر علشان ما يقمق القهوه علشان كذا صورته من قريب
بعد عشر دقايق من طبخ القهوه جبت الترمس و حطيت في العده وهي حلي و خلطة القصيم وبس
الحليب بالترمس
خلطة القصيم على الحليب
صورة خلطة القصيم الي استخدم وهي خلطة هضيم
وبعدها صبيت القهوه عليها وقدمتها لابو عيالي وقرت عيني
هذي صورتها في الصينيه و صورة فنجال القهوه
يارب تعجبكم القهوه العربيه السعودية بخلطة القصيم و تحوز على رضاكم
ولا تنسوني من دعواتكم الحلوه لي ولزوجي و اولادي