عنوان الوصفة: كيفية عمل القهوة العربية بطريقتي بالصور . اضيفت بواسطة : ام صبا ودرر . بتاريخ: 08/06/2015.
كيفية عمل القهوة العربية بطريقتي بالصور
هذي طريقتي الخاصة في القهوة العربية السعودية اتمنى تنال ع رضاكم
مكونات ومقادير وطريقة عمل القهوة العربية بطريقتي :
انا استخدم بن جاهز وهذي صورته
اخذ منه فنجان ونص قهوة
واضعه مع ست حبات مسمار في ابريق القهوة
واضع عليه سته ونص كوب موية صحه مغليه واضعها ع النار المتوسطه حتى تغلي لمدة ربع ساعه وهذي صورة الكوب اللي استخدمته
وهذي القهوة ع النار تغلي
في هذا الوقت اطحن هيل ويكون جديد حوالي ملعقة اكل مليانه
واضع الهيل في ترمس القهوة مع ربع ملعقه بهارات القهوة ونص ملعقه خلطة القصيم
وهذي صورة بهارات القهوة للي حابه تشوفها
بعدين اطفي النار ع الابريق علشان تركد القهوة ثلاث دقايق واصبها في الترمس واخليها من ربع الى نص ساعه تاخذ النكهه واقدمها مع تمر او حلا
وهذي قهوتي ان شاء الله تجربوها وتعجبكم وبالعافيه ع قلوبكم