موسوعة الطبخ


عنوان الوصفة: لقيمات مقرمشة ولذيذة . اضيفت بواسطة : عبير العميرة . بتاريخ: 11/06/2015.


 

طريقة عمل لقيمات مقرمشة ولذيذة
http://www.encyclopediacooking.com/upload_recipes_online/uploads/images_%D8%B7%D8%B1%D9%8A%D9%82%D8%A9-%D8%B9%D9%85%D9%84-%D9%84%D9%82%D9%8A%D9%85%D8%A7%D8%AA-%D9%85%D9%82%D8%B1%D9%85%D8%B4%D8%A9-%D9%88%D9%84%D8%B0%D9%8A%D8%B0%D8%A9.jpg

كثير يرسلون لي نبي طريقة اللقيمات
وأنا نزلتها رمضان اللي راح وكثير طبقوهآ وكانت مضبوطه معهم مره
الحين بنزّلها ثانيه مع شرح أكثر

* لقيمآت الماما *

استعملو الأكواب والملاعق المعياريه أو كاس الجبن ينفع ابتسامة

*في الخلاط:

كاس ماء فاتر .
ملعقه ك خميره .
ملعقه ك سكر .
ملعقه ك زيت .
ملعقه ك زبادي .
ملعقه ص بيكنج بودر .
ملعقتين ك نشاء .
ذرة ملح .

ثمن توضع على كاس ونصف دقيق أبيض ( استخدمت دقيق كويتي ) وتترك تتخمر لمدة ساعه ..
بعد التخمير لمدة ساعه نحط عليها بيضه ونخلطها بالمشبك اليدوي ونتركها عشر دقايق زياده ونبدى نكورها و نقلي

*طريقة القلي

خلي معك ملعقه صغيره وصحن صغير فيه زيت غطسي الملعقه في الزيت وخذي شوي من العجين ونزليه في الزيت بخفه وورى بعض والعجين لازم مايكون جامد ولاسايل يكون ليّن بس قوامه وسط تقدرين تتحكمين فيه وان شاء الله تضبط معكم عاد يمكن من أول مره تطلع كائنات عجيبه ابتسامة
بعدين مره بعد مره تضبط وتصير دوائر ابتسامة

- ملعقة باسكن روبنز كثير يقولون روعه في التكوير
.
:.
.
وبألف عافيه عليكم مقدما ً ***
*

فيه أسئله بجآوبها لأني عارفه بتسألونها

- وش فائدة البيض ؟
يعطي ليونه ونفشه للقيمات .

- البيض ماأحبه أقدر أستغني عنه ؟
ايه تقدرين تستغنون عنه .

- النشاء وش فايدته ؟
يعطي قرمشه للعجينه من برا .


حرارة القلي :
في البداية لازم تكون درجة الحرارة عاليه وبعدين اول ماتخلصين من التكوير تخلينه على نار هادئة جدا ًوتبدين تقلّبين في اللقيمات لين تتشقّر .

الشيره :
لازم قوامها يكون وسط مو ثقيل ولا خفيف .
أو تحطون عليها عسل أنا أفضّل العسل

::: ملاحظة مهمّه :::

ماتغطّون اللقيمات اذا استوت وهي حارّه لازم تبرد تماماً والا راح تصير ليّنه ( ومعرعره ابتسامة )

-- عشان تكون فاضيه من جوا مافيها عجين لازم تقليب مستمر وعلى نار هاديه مو تخلون النار عاليه تتحمر من برا وهي مااستوت من جوا .!


عودة الى وصفات الطبخ