طريقة عمل حلى تمر محشي بالكنافه بالصور
كنت جالسه أصلح حلا في كنآفه وشفت التمر جمبي وخطر على بالي احشيه كنآفه واجرّب طعمه والصرآحه ذقته وأعجبني وسجّلت براءة اخترآع حلا
الطريقه
ركّزو معي زين بشرح من كل قلبي :
١- أول شي جبت تمر سكّري تنقّيت الحبّه اللي تجي طريّه وشكلها مرتب
٢- أخذها ويكون عندي منشفه نظيفه رطبه وأمسح ع التمر مضبوط وبعدين أفتحه من الجمب كأني أحشي خبز صامولي وأطلّع ( العبس ، الفصم .. كلن وتسميته )
٣- أحشيه كنافه طريقتها :
( أجيب محضرة الطعام اللي تفرم الخبز وافرم فيها كنافة واستعملت كنافة السنبله افرمها مرتين لين تصير فتات صغير وبعدين ع النار اذوب اصبع زبده واحمس الكنآفه لين يصير لونها أشقر اطفي النار وأخلط معها نستله كبير + ٤ ملاعق كبيره قشطه )
٤- علبة حليب نستله مغليه على النار لحد ماصار عندي صوص يسمى : ( دولتشي ) دي ليتشي قريب للكرامل بس شخصياً أعتبره أطعم
طريقة غلي النستله :
( أجيب علبة نستله الكبير وأشيل القرطاسه منه ولا أفتح العلبه أخليها مقفله بس اشيل الورقه ، وأعبّي قدر الضغط ماء يغطي العلبه واكتمه ساعه وبعدين أخليه لين يبرد تماماً واستعمله )
لمن حشينا الكنآفه جوا التمر الحين نقفل عليه بالصوص نآخذ من الصوص بملعقه صغيره ونحآول نسد الفتحه من جهة الحشوه عشان تثبت الكنافه جوا التمر ، وبعدين نغمسه بالفستق المطحون وانتهينا
جرّبوه وعساه بألف عآفيه مقدماً