بسبوسة الفستق أعجبتني لأنها سهله ومقاديرها متوفّره
أغلب شي في البيت والأفضل إن مافيها بيض لطلب الكثيرين
- الطريقه :
بالخلاط :
كوب فستق مطحون او مبشور .
كوب ونص سكر .
كوب حليب سايل ( المراعي او الصافي .. الخ ) .
نص كوب زيت .
م ص هيل مطحون . * ونصبّ الخليط على :
كوب ونص سميد
+ نص كوب طحين + م ص بيكنج بودر .
وندهن صينية وسط بالطحينه أو الزيت ونواسي الخليط فيها مع رشة فستق ع الوجه وبعدين ندخلها لفرن بالرف الوسط على درجة حراره ٣٥٠ تاخذ نص ساعه تقريباً ونحمّرها خفيف من فوق او بدون على حسب الرغبه ونسقيها بشوي شيره قد ماتعطيها لمعه بدون ماتكثرون .
وبعدين نحطها بالثلاجه افضل عشان تتماسك مضبوط .
وبألف عآفيه يارب على قلوبكم
- ملاحظه :/ أنا أضفت قطره من اللون الأخضر ( ملون الطعام ) . وتقدرون تستغنونه عنه