مطفاية السمك اكله يمنيه لذيذه
ولاتخافو هذا الأحمر كله مو معجون طماطم .. هذا معجون فلفل احمر عدني
يعطي الأكل طعم لذيذ ومو حامض زي الصلصه
المقادير والطريقه :
خمسه حبات كبيره فلفل عدني مجفف
هو حار بس انا طلعت حرارته
فتحته بالسكين وطلعت البذور
نقعته بماي ساخن لخمس دقايق
وصفيته ونقعته من جديد بماي حار كررت النقع حوالي اربع..خمس مرات لما خفت الحراره
وهو اصلا مره وحده تنقعيه
بس انا ماحب كثر الحراره
وبعدين خلطته بخلاط مع فنجان ماي لما صار زي معجون الطماطم او اخف شوي عادي،
اخذت منه ملعقتين وأضفت له فلفل اسود بهار سمك بهار كاري ملح ليمون وتبلت فيه السمك وقليته وبعده قليت شرايح بطاطس وتركتهم ع جنب
حمست بصله بزيت وحطيث فصين ثوم (فلفل اخضر حار مقطع).أنا ماأضفته
لما ذبلو حطيت واحد طماطم صغير مبشور وأضفت خمسه ملاعق من معجون الفلفل الي خلطته وملعقه مليانه صلصة طماطم وبهار وملح فلفل اسود
قلبتهم شوي زودت قليل ماء وحطيت السمك والبطاطس وتركتهم يتسبكو شوي ورشيت كزبره
وبالعافية