شفته في سناب كانت مسويته بالكندر ومغطيته باللوتس المطحون
سويته بس حسيت حالي يمكن لاني اصلاً مااحب الكندر
وحسيت قوامه شوي رخو
جربته بشكولاتات هيرشي اللي بالقرفه والبترسكواتش وغطيتها باللوتس طلع خورافي
والشكولاته الغامقه والشكولاته البيضاء غطيتها بشرايح جوز الهند الرطب
طبعاً الخيارات مفتوحه لك بالتغطيات أوريو مطحون او مكسرات او رايز كرسبي ..الخ
واذ ماتحبون التوت ممكن تسبدلونه بالفرواله او المارشملو
.
.
مقادير عمل حلى التوت بالشكولاته واللوتس :
توت طازج فريش بدون نقطة عفن
او مارشملو
حبيبات شكولاته هيرشي بالقرفه
حبيبات شكولاته هيرشي بالبتر سكواتس
حبيبات شكولاته هيرشي بالشكولاته الغامقه
حبيبات شكولاته هيرشي بالشكولاته البيضاء
بسكويت لوتس
جوز هند رطب او جاف
طريقة عمل حلى التوت بالشكولاته واللوتس :
نغسل التوت ونصفيه وننشفه بورق المطبخ على الخفيف
نوزع الشكولاته في صحون
ندخلها المكرويف لمدة ٣٠ ثانيه ونخرجها ونحرك
بعدها نرجع لمدة ٣٠ ثانيه ونخرجها ونحركها
وهكذا الى ان تذوب تماماً
نطحن اللوتس
نجهز التوت والتغطيات
ونطغي حبات التوت بالشكولاته بعدها بالتغطيه الخارجيه المرغوبه
وندخلها الثلاجه ساعتين وتقدم
لذيذه جربوها
