موسوعة الطبخ
عنوان الوصفة: سلطه لذيذه وسهله مره . اضيفت
بواسطة : عبير العميرة . بتاريخ: 29/08/2015.
سلطه لذيذه وسهله مره
من زمآن مانزلت لكم سلطآت والصراحه عشقي السلطات وهذي الطريقه أخذتها من ماما سهله سهله وأنا عارفه الأغلب يحب السهل واللذيذ بنفس الوقت
مقادير وطريقة عمل السلطه :
١- خس و جرجير يقطع قطع متوسطه ويفضّل الخس الأمريكي أو المستورد وبعدين نحطّه بشكل عشوائي بصحن التقديم .
٢- بعدين نكون متبّلين صدور دجاج مقطّعه مكعبات بملح وخل وزبادي وملعقه صغيره فلفل أسود وبهارات إيطاليه و بعدين نشوّحها على نار عاليه حتى تستوي وبعد ماتبرد نحطها على الطبقه الاولى ونرش عليها سمّاق .
٣- بعدين نحط ع الدجاج بقدونس مورّق يعني نشيل الأعواد ونوزع الاوراق بشكل عشوائي واذا حابّين شرائح بصل ابيض رفيعه مرره ( على حسب الرغبه )
٤- بعدين الصوص عباره عن :
علبة زبادي وملعقه طحينه سايله و عصير ليمون وفص ثوم مهروس .
- و التزيين : بالبقدونس المفروم والجزر المبشور والليمون الشرائح وأوراق النعناع .. أو على حسب الرغبة .. .
.
- ملاحظه ::/ الصوص ماتحطّونه الا وقت التقديم أفضل
:
.
و عساه بألف عافيه على قلوبكم