موسوعة الطبخ
عنوان الوصفة: السلطه الخنفشاريه المقرمشه . اضيفت
بواسطة : عبير العميرة . بتاريخ: 29/08/2015.
السلطه الخنفشاريه المقرمشه
صح طريقتها طويله شوي بس لذاذه لذاذه ماحصلتشي
وإذا جربتوها بتعشقونها عشق صدقوني
وهي وجبه متكامله تستغنين فيها عن أي شي ثاني يعني صلحوها وتغدّو عليها أنا أقولكم تغدّو أحسن لأن سعرارتها ماتنحسب
المقادير وطريقة عمل السلطه الخنفشاريه :
- الطبقه الأولى /
نقطع ( جرجير ، بصل أخضر ، طماطم ) شرائح رفيعه مرره وبعدين نخلط معها صوص البيستو .
أو اللي ماعندها صوص البيستو تسوي صوص النعناع تخلط في الخلاط /
( حزمة نعناع + فص ثوم + عصير ليمونه + ملح + فلفل أسود )
.
.
- الطبقه الثانيه /
باذنجان مقطع شرائح ومقلي .
.
.
- الطبقه الثالثه /
نسلق مكرونه النوع اللي تحبون بس أنا أفضّل هذا النوع اللي انا حاطته (( الباستا الملونه )) نسلقها بمويه وشوي ملح فقط .
( ثمن نجيب تاوه ونحمس فيها بصل شرائح + فلفل رومي شرائح ونضيف عليها فلفل احمر مجروش وبهارات ايطاليه وشوي دبس الرمان )
ونخليها لين تذبل بعدين نخلطها مع الباستا بعد مانصفّيها من المويه ونخلط معهم شوي مايونيز بالثوم .
- الطبقه الرابعه ( الأخيره ) /
الصوص :
زبادي + م ك طحينه سايله + شوي رانش + ليمون + فلفل أسود .
وتجمّل بالخبز المقلي + الصنوبر + رشة سماق + رشة بذور حبة البركه . - الخبز قطعته وردات وقليته في الزيت .
وبألف ألف عافيه على قليباتكم
.
.لا تدققون بالتصوير أسرع تصوير في الحياه وأنا بالمطبخ