طريقتى فس عمل كفته الفراخ سهله جدا ولذيذه وسريعه من غير اى مجهود
المقادير لعمل كفتة الفراخ :
2 صدور فراخ + بصله مبشوره +بيضه + 2 معلقه بقسماط كبيره +ملح وفلفل اسود + ربع معلقه جنزبيل+ رشه قرفه +1 فلفل أحمرقطع صغيره +توابل كفته ان وجد
الطريقه لعمل كفتة الفراخ :
للكفته المشويه
نفرم صدور الفراخ كويس لحد ما تنعم وبعدين نضيف لها
البصل والفلفل والتوابل ونقلبهم كويس مع بعض ونشيل منهم حته صغيره كده
وللكفته المقليه
نضيف ع الباقى الخليط البيض والبقسماط ونقلبهم كويس قوى ونسيبهم ساعتين وده شكلهم
في التسويه
الخليط الاول اللى من غير بيض او بقسماط نصبعه ونساويه ف طاسه تيفال مدهونه زيت خفيف
والمقدار الباقى من الكفتة نقليه ف الزيت بالشكل ده
وفي الاخر تولعى فحمه وتطفيها بمعلقه سمنه او زيت عشان تاخد ريحه الشوى وبالف هنا ع قلوبكم ده شكل الكفتة النهائى
جربوها وان شاء الله هتعجبكم
