المقادير لعمل الكبدة الاسكندراني :
1/2 كيلو كبدة مقطعة شرايح
(المقادير دي لشخصين او 3 بس لو اكتر بتزودي الكمية )
فلفل رومي ألوان حوالي 5 أو 6 وحدات
فلفل حامي ( حسب الرغبة )
بصل مقطع شرايح
تتبيلة الكبدة :
حوالي 4 أو 5 فصوص ثوم كبيرة مدقوقة
خل
ليمون
ملح وفلفل
الطريقة لعمل الكبدة الاسكندراني :
هاتي الكبدة الشرايح واغسليها كويس أوي بالخل والليمون
تبلي الكبده بالثوم المدقوق والملح والفلفل وغرقيها في الخل والليمون
وسيبي الكبده متبله لمدة نصف ساعة
بعد كده قطعي البصل والفلفل الحار والفلفل الرومي شرايح
بعد كده اخلطيهم مع بعض
هاتي طاسة وحطي فيها شوية زيت ذرة أو عباد زي ماتحبي
وطشي فيها الكبدة
سيبيها تغلي مع بعضها على نار عالية
وبعدين وطي عليها النار لتحت
ماتضيفيش ليها مية هي هتنزل ميتها وهتستوي فيها
بعد كده علي عليها النار علشان تنشف
زي كده
بعد ماميتها تنشف أعدي قلبيها لحد ماتتحمر في الزيت اللي انتي كنتي حطاه
إغرفي الكبده في الطبق واعملي جنبها سلطة طحينة
ياسلام على الكبده وعلى طعامتها وهي بتتاكل بالعيش البلدي مع المخلل وسلطة الطحينة
جربوا الكبده الاسكندراني بطريقتي وهتعجبكم جدا جدا ان شاء الله
وخلوها مشطشطة على اد ماتقدروا بتجنن