عنوان الوصفة: الباستا البردقانية من مطبخ ماتهاب . اضيفت بواسطة : ماتهاب . بتاريخ: 04/10/2015.
طريقة عمل الباستا البردقانية من مطبخ ماتهاب
الباستا البردقانية اتوقع اكثر البنات عارفينها ومجربينها
بس حبيت اوثق الطريقة في موضوع رسمي
هالباستا يميزها لونها الخقق ونكهتها المميزة
وسريعة يعني لا تلوموني في حبها
الطريقة والمقادير مع بعض
اي نوع باستا تفضلون
انا اصلحها بالاسباجيتي او زي مانتو شايفين نوع اخف سمك من الفوتيتشيني تجي بكرتون ازرق
تنسلق عادي بموية وزيت وملح
نحتاج لصدرين دجاج مقطعين مكعبات وسط نشوحهم بشوية زيت الى ان ياخذون لون حلو ونرشهم بشوية ملح
ونقطع مشروم فريش لشرايح خفيفة >>> ممكن تستغنون عن الدجاج وتصير نباتية
اهم شي مقادير الصوص الاليم :~
في الخلاط
حبة فلفل رومي احمر كبيرة
حبة بصل ابيض حجم صغير >>> اللي نستخدمه للسلطة
مكعبين ماجي
3 ملاعق جبن سايل كرافت
كاس قشطة خفق
نص كاسة حليب
ملعقة كبيرة فلفل حار بودره >>> اذا ماتحبون السبايسي خليها نص فابريكا ونص فلفل حار
نخلط كل شي مع بعض
الباستا المسلوقه والصوص ومكعبات الدجاج والماشروم
ونحطها بصينية بايريكس وندخلها الفرن لمدة نص ساعة الى ساعة الا ربع
وبعدا نبشر فوقها جبن تشيدر ونرشها بتوابل ايطالية وندخلها الفرن بدون ما نشفل النار يعني ع الحرارة بس يذوب الجبن
ونقدمها بالعافية