موسوعة الطبخ


عنوان الوصفة: ميني برجر بالمشروم صوص . اضيفت بواسطة : كويتيه . بتاريخ: 05/10/2015.


 

طريقة عمل ميني برجر بالمشروم صوص
http://www.encyclopediacooking.com/upload_recipes_online/uploads/images_%D9%85%D9%8A%D9%86%D9%8A-%D8%A8%D8%B1%D8%AC%D8%B1-%D8%A8%D8%A7%D9%84%D9%85%D8%B4%D8%B1%D9%88%D9%85-%D8%B5%D9%88%D8%B5.jpg

الطريقة والمقادير :~

6 حبات برجر امريكانا او اي نوع تفضلونه

اتركه على الطاولة الى يذوب الثلج واخلطهم مع بعض

بيصير معي خلطة كفته ولا احلى

نبدا الحين بتكوير الللحم وضفطة براحة اليد الى ان يصير معنا ميني برجر

ونشويه في الشواية الكهربائية

نقطع التوست بقطاعة صغيرة بحجم البرجر

ندهن التوست بمايونيز وبعدها نحط حبة البرجر المشوي وبعدها صوص الماشروم الرهيب والبصل المقلي


صوص المشروم ( الفطر ):~

انا استخدمت مشروم مجفف نوعية ممتازة شاريتها من مطعم نينو

هالمشروم ما استغني عنه في الشوربة والصوصات

من 3 سنوات من عرفت مطعم نينو في البحرين وانا اتقضى منه

اخذ شوية مشروم مقدار بياله صغيرة انقعها في نص كاسة موية لمدة 10 دقايق

وبعدها احطها في البلاندر مع نص كاسة قشطة خفق

وعلى النار في مقلاة تيفال اذوب ملعقتين زبدة وملعقة طحين واحرك الى ان يختفي الطحين تماماً

واحط عليه خليط المشروم اللي في البلاندر

اضيف مكعب ماجي ورشة فلفل اسود وبسس

راح يثقل ويصير عليه طعم يجنن


عودة الى وصفات الطبخ