صينية رولات المسخن لذيذة وسهلة وماتأخذ وقت..
المقادير والطريقة لعمل رولات المسخن :
_ نسلق صدور دجاج بموية ومكعب مرق الدجاج لماتنضج..ونصفيها ونقطعها صغير..ونخليها على جنب
_ نشوح كاس بصل مقطع صغير مع نصف كاس زيت زيتون ونقلبه على النار لما يذبل..
_ نضيف ملعقة صغيرة ثوم مهروس ..
_ نضيف الدجاج المفروم وبهارات كمون وفلفل حار بودر وكزبرة وزنجبيل بودر وملح..ونقلب
_ نضيف ملعقة طعام سماق وملعقة دبس الرمان ونحرك ونرفعه عن النار..
_ نقسم رغيف السمبوسة الى النصف ونبدا نحشى ونلف على شكل رول ويرتب بصينية الفرن..
_ نصب خليط من كاس كريمة الخفق مع ملعقة طعام جبن سايل ورشة ملح على الصينية وتدخل الفرن من تحت عشر دقايق وبعدين تتحمر من فوق
وتخرج وتزين بالبقدونس وشرايح البصل المقلية والصنوبر وتتقدم
وعافية على قلوبكم