حلى تشيز كيك اللوتس قليلة عليه كلمة روعة
المقادير والطريقة لعمل الحلى :
نسوي طبقة كيك بسيطة مكونة من:
٢بيض ونصف كاس سكر يخلط لماينفش البيض ويكون كريمي وبعدين نضيف ربع اصبع زبدة حجم١٠٠ مذوبة ونصف كاس بسكويت اللوتس (عشر حبات من بسكويت اللوتس) مطحون ونصف كاس دقيق وملعقة صغيرة بكنج بودر ونخلط ثم نصبه بالقالب المفتوح وبالفرن على درجة حرارة ١٨٠ لمدة عشرين دقيقة او حتى لما ينضج.. ثم يترك ليبرد.
نجهز خليط التشيز :
٦حبات جبن كيري وعلبة قشطة وكيس دريم ويب وربع علبة حليب النستلة ونصف كاس كريمة الخفق تخلط مع بعض ثم نضيف ٣ملاعق كريمة اللوتس ونصف كاس بسكويت اللوتس مطحون ونكمل الخلط. وآخر شي ملعقة طعام جيلاتين مذوبة ببيالة موية حارة..واللي مايفضل الجيلاتين ممكن يستغني عنه بس ماراح يكون متماسك مررة مثل اللي بالصورة...
اسقي الكيك بشوي من النسكافية المذوبة بموية وسكر
وبعدين خليط التشيز وندخله الثلاجة لمدة اكثر من ثلاث ساعات
وبعدين وقت التقديم يجمل حسب الرغبة
وبالف عافية على قلوبكم
كل اللي يبحثون عن كريمة اللوتس الجاهزة متوفرة في الاسواق الكبرى بالسعودية وصورة العلبة واضحه لكم عشان تعرفون شكل كريمة اللوتس عند البحث عنها