سويت سمبوستي المفضله سمبوسة الدجاج بالفرن اي احد يذوقها ما ينساها اتمنى تجربونها
*المقادير*
1-صدوردجاج وجزر مفرومه مع بعض
2-بصل مقطع صغار وفص ثوم مهروس
3-طماط مقطع صغار وبعدي الماء حقه
4-فلفل بارد مقطع صغار وحار حسب الرغبه
5-بقدونس وكزبره وكراث وبصل اخضر مقطعه مثل التبوله
6-ملح وبهارات وماجي وزيت عافيه
7-عجينة سمبوسة الورده هذي المفضله عندي
*الطريقه*
يحمس البصل بالزيت ويكون الزيت غزير شوي والبصل كثير لين يصير لونه احمر وبعدين حطي الثوم خليه على نارهاديه-
حطي الدجاج والجزر على البصل وحركيه زين لان الصدور اتكتل في البدايه خليه لين ينشف من الماء-
حطي الفلفل البارد والحاروالطماط وحركيه لين ينشف المويه ويبقى الزيت -
حطي اللحين الملح والبهارات والماجي في كاس ماءحاروصبيه على الحشوه وخليه لين ينشف الماء ويبقى الزيت-
اخرشي حطي الخضار وقصري الغاز مررره من تحت وخليه لين ينشف الماء-
بعدين خلاص خلصتي الحشوه برديها شوي وصبيها في شخال سلك كبير حتى يروح الزيت منها وتصير ناشفه مره-
الحين ابدي في حشو السمبوسه وترى العجينه كل يختار الي يبي غير الدجاج-
(ملاحظه انا اسوي كميه وافرزنها مره تجنن محشيه او بس الحشوه)
اسويها في الفرن احظها في صينيه وادخلها واقلبها لين تتحمر والفرن احسن من الزيت
وبالهناء والعافيه