اندومي لكن طعم خيال الصراحه اتعلمتها من شغالتي الاندونيسية كانت دائما تسويها بداية استغربت حنا متعودين نطبخها بمويه ونحط البهارات وبس لكن يوم ذقتها صرت احيانا اسويها كطبق رئيسي لنا
بسم الله المقادير والطريقة لعمل الاندومي :
اول شئ ننقع الأندومي بمويه حاره لمدة من 3 - 5 دقايق ومن ثم نصفيها
نقطع بصل جوانح ونحمسه بشوي زيت حتى يشقر
نضيف له الخضار عباره عن
فلفل رومي مقطع اصابع
اشوي ملفوف
جزر مبشور
كوسه مبشوره
صوص صويا
صدر دجاج مسلوق ومنتف <<< شغالتي كانت تحط لها اللي يبقى من الغداء
ممكن نستبدل الدجاج ب نقانق مقطع حلقات او روبيان انتي وذوقك
ونقلب حتى تذبل الخضار تماما
وممكن تضيفين طماط مقطع لقطع صغيره مره <<< اختياااري لكن بعد نضج الخضار علشان مايذوب مرره
ونضيف لها اشوي بقدونس ونحطها على الأندومي ونقلب ومن ثم نحط بهارات الأندومي والصويا
واذا الطبق يحتاج اشوية ملح ممكن نضيف لها رشه
ونقلبها لمدة دقيقتين حتى بس تتشرب الطعم
وبالهناء والعافيه
