دى مكرونة فيتوتشيني عملتها باللحمة والخضار والكريمة
بس سهلة جدا وياريت تجربوها
بسم الله
المقادير لعمل الفيتوتشيني :
-كيس مكرونة فيتوتشينى
-بصلة وسط مقطعة جوليان(شرائح)
-جزرة او اتنين متقطعين شرائح
-فلفل اخضر مقطع شرائح
- لحمة بفتيك مقطعه شرائح عريضة
مقادير الكريمة :
-علبة قشطة وعليها معلقتين جبن سايل زى الكرافت
-أو كريمة الخفق بتتباع فالسوبر ماركت بس من غير ماتخفقيها
الطريقة لعمل الفيتوتشيني :
نسلق الفيتوتشيني ونحط الملح ومعلقة زيت
وهنا بعد ماصفيتها
نحط الخضار كلة مع بعض
ونشوحة عالنار فشوية سمن او زيت
نحط الحمة عالخضار قبل مايدبل
ونحط شوية مياه
عشان اللحمة تستوي ونغطى الطاسة
نحط الكريمة على الفيتوتشيني زي كدة
نحط اللحمة والخضاربعد ما استوت على الفيتوتشيني
وبالهنا والشفا
