شوربه السبانخ شوربه صحيه ... ولذيذه
المكونات لعمل شوربة السبانخ :
3 حزم سبانخ صغيره
كاسه ونص ماء مغلي .. لسلق السبانخ
ربع كاس دقيق
ثلثين كوب لبنه لايت ..
كاسين حليب منزوع الدسم .. او قليل الدسم
ملعقه طعام ثوم مفرم ..
ملعقه شاي لكل من ( فلفل ابيض + فلفل اسود )
ملح حسب الرغبه
زيت .... وانا استخدم زيت الكانولا في الطبخ غني بالاوميقا 3
وينصحون فيه اخصائيين التغذيه .. ومفيد لمرضى السكري والضغط
كاس ماء مغلي ... او كاس مرق دجاج او لحم >> حسب الرغبه
الطريقه لعمل شوربة السبانخ :
نسلق السبانخ في كاس ونص ماء .. وراح يكون الماء قليل لا تخافون عادي السبانخ راح تنزل مائها ...
وطبعاا يكون السلق على نار هاديه ونغطي عليها لحد ماتذبل السبانخ
راح تاخذ 5 الى 7 دقايق
ثم نخلط السبانخ بمائها بالخلاط الكاس ..
وفي مقلاه نشوح الثوم في الزيت ثواني ونضيف الدقيق ونقلب ..
ثم نضيف الحليب وكاسه الما او المرق .. وخليط السبانخ ..ونقلب ونتركها تغلي غلوتين واذا كانت كثيفه نخفف بشويه ما او مرق
ثم نضيف اللبنه .. ونحرك بسرعه عشان ماتتكتل اللبنه .. ونرفعها عن النار .. وتقدم بالعافيه
وممكن نشوح بصل على النار مع شويه زيت .. ونضيفه للشوربه بعد ماتستوي ..
السعرات الحراريه للحصه الواحده من الشوربه والي تعادل كوب واحد
معياري
شوربة السبانخ فيها 48 وحده حراريه بدون مرق الدجاج
واذا اصفنا لها المرق يكون فيها 54 وحده حراريه ..