مسقّعه بتقديم مرتب وجديد سهله المكونات مرره وفي التقديم ينفع بقوه للبوفيه شكله راح يكون جميل وجذاب خصوصاً لمن يكون الفلفل ألوان أحمر وأصفر وبرتقالي وأخضر ♥
.
.
مقادير و طريقة عمل المسقعه :-
١- تجيبون صينيه للفرن وتقطعون الفلفل الرومي مع النصف وتشيلون البذور وتصفونه بالصينيه .
٢- تحشونه لحم مفروم :
نجيب تآوه عميقه ونحط فيها شوي زيت ونضيف دجاج أو لحم مفروم ونخليه ع النار لين يتغيّر لونه وتنشف مويته وبعدين نضيف عليه بصل مقطع قطع صغيره ونضيف شوي كمون وكركم ونخليه لين يستوي ، وبعدين نجيب صوص الطماطم ونحطه ع الدجاج ونضيف باقي البهارات اللي تحبون باربيكيا حلوه وشوي بهارات ايطاليه وفلفل اسود ، ونضيف ٢-٣ حبآت بآذنجان مكعبات مقلي + حبتين بطاطس وسط مكعبات مقلي ونخلطهم كلهم مع بعض ،
ونوزعه جوآ الفلفل الرومي .
٣- بعدين تحطون على كل حبه من صلصة البآشميل الجاهزه تبع ماركة كي دي دي الصراحه خفيفه وحلوه وأول شي كنت متخوفه حسبتها ثقيله وتأثر ع الطعم لكن ماشاء الله طلعت لذيذه وتفك أزمه
٤- تغلفون الصينيه بقصدير وتشغلون الفرن من تحت على درجة حراره ٣٥٠ وتخلونها بالفرن نص ساعه الى ٤٥ دقيقه .
٥- تفتحون القصدير وتحطون جبن موزريلا طبعاً افضل شي يكون الموزريلا قالب وانتم تبشرونه بالبيت ماتصير ناشفه أبد
طبعاً تشغلون الفرن يتحمّر خفيف وعند التقديم رشة بقدونس مفروم أو على حسب الذوق .
.
.
وبألف عافيه على قلوبكم الجميله
