المحــلّى و لا أحلى * ❤.
.
لكل اللي طلبو مني طريقة المحلى سمّو الطريقه
وأكيد لكل ناس طريقتهم لكن أنا تعودت على طريقة أمي الله يجزاها عني الجنه
سهله ومضمونه مايتلكلك معك الطحين جربوه وبتدمنونه
.
.
*المقادير لعمل المحلى :
كيلو تمر ( خلاص ) منزوع النوى .
٤ أكواب طحين أسمر .
٨ أكواب ماء .
٤/٣ زبده اصبع زبدة تقريباً ٧٥ جرام ( مايحتاج دقّه بالزبده لأنها على حسب الرغبه ) . .. ,
* الطريقة لعمل المحلى :
نضيف على التمر شوي مويه حاره عشان يصير ليّن وبعدين في الخلاط التمر + الطحين + الماء ونحطه بقدر على نار عاليه ونحرك لمدة نص ساعه تقريبا ًبعدين نحط الزبده ونخليه على نار هاديه ونحرك كل ربع ساعه تقريباً لمدة ساعتين وخلصنا .
- عند التقديم :
نضيف شوي زبده سايحه وفلفل اسود مطحون .
شي شي يهبللل يدفي ومع القهيوه شي ثاني
شفتو ولا أسهل منه
، فيه بنات يحسّون انه صعب مو اي احد يضبطه لكن مع هذي المقادير مضمون ان شاء الله