عنوان الوصفة: البابا غنوج المصري بالصور . اضيفت بواسطة : ام رودى العسل . بتاريخ: 12/01/2016.
طريقة عمل البابا غنوج المصري بالصور
البابا غنوج بيطلع زى المحلات وانا بموت فيه
طبعا هنجيب البتنجانه ونقلبها على كل النواحى على عين البوتجاز مباشره
لحد ماتتشوى كلها وبيبقى شكلها كده
وبعد لما تبرد بتقشريها كويسه وممكن تشيلى بواقى القشر اللى بيبقى لازق بمنديل او تحت سرسوب مويه بسيط من الحنفيه وتنشفيها كويس
وبالمعلقه او شوكه تهرسيها وده شكلها بعد ما اتقشرت
واتهرست نص هرسه كده
وبعد كده هتحطى معلقه صغيره توم مفروم - ومعلقتين خل كبار - و معلقتين كبار طحينه او حسب ما تحبى عشان فى طحينه خفيفه وطحينه تقيله - ونص لمونه - وملح - كمون - وشطه لو بتحبيها
وبعد كده بشوكه تقلبى كتير لحد ما تبقى معجون تقيل كده شويه ودوقيها طبعا شوفى لو محتاجه سنه طحينه حبه خل كده يعنى عشان برضه كل بتنجانه وحجمها
ودى صورة البابا غنوج فى التقديم