موسوعة الطبخ
عنوان الوصفة: مسقعة دايت روعة من مطبخي بالصور . اضيفت
بواسطة : bero . بتاريخ: 14/01/2016.
طريقة عمل مسقعة دايت روعة من مطبخي بالصور
عملت مسقعة دايت ان شاء الله تعجبكم
ياللا نبدأ
بسم الله الرحمن الرحيم
مقادير وطريقة عمل وتحضير المسقعة دايت :
باذنجانة مقطعة دوائر سمك الواحدة 1 سم او اكتر بقليل
أرش عليها ملح و نسيبها تنزل ميتها
بعد كده جبت ملعقة صغيرة زيت زيتون و انا بأقيس بجد بالملعقة و حطيتها في فنجان عشان أدهن الشواية (مش الباذنجان) بالفرشاة
المهم دهنت الشواية و حطيت الباذنجان و قفلت و سبتها تتشوي
لو مفيش شواية حطيها في مقلاية تيفال ادهنيها بردو بالزيت بالفرشاة
بس هتحتاجي تقلبي الباذنجان
هنا بعد ما اتشوت
رصيتها في طاجن
حطيت فوقها 4 ملاعق لحمة مفرومة معصجة (انا عصجت كيلو لحمة بملعقتين زيت ذرة )
وبعدين باقي الباذنجان
بعد كده جبت نص كوباية مية و دوبت فيها ملعقة صلصة و فص توم مقطع و ملح وفلفل و خليتها تغلي علي النار
حطيتها بعد كده علي الباذنجان في الطاجن و دخلته الفرن
هنا المسقعة دايت بعد ما خلصت
الريحة تجنن
و ده صحن المسقعة دايت
و يا سلام بقي نقدم مع المسقعة دايت جنبه نص رغيف محمص و طبق سلطة
و بألف هنا و شفا
فضولي دفعني بعد ما اكلت و شبعت و الحمد لله اعرف الطبق ده فيه كام سعر
الباذنجان 200جم حوالي 60 سعر
ملعقة صغيرة زيت زيتون 60 سعر(مع اني ما اخدتهاش كلها ممكن نصها)
اللحمة المفرومة 100 جم تقريبا 225
و نقول الصلصة فيها 20 سعر مثلا
يعني الطبق ده فيه حوالي 365 سعر
واو