مسقعة لذيذة وسهله تفضلو حياكم
جايبه لكم صينية مسقعة شفتها وعجبتني وسويتها وطلعت روعه ومميزة ولذيذة
اترككم مع الطريقه والصور ان شاء الله تعجبكم
المقادير حسب صينيتك ندخل على الطريقة
طبعا حمري شرايح الباذنجان ...واتركيهم على جنب في قدر على النار احمسي اللحم المفروم بدون اي اضافات الى ان يبدا ينشف ثم اضيفي الثوم المفروم والبصل وقلبي
اضفي فلفل بارد ملون (احمر برتقالي اصفر) مقطع مكعبات صغيره ...
يعطي نكهه لذيذه ورائحه حلوووه انا حطيت فلفل حلو اخضر اللي كان متوفر
بعد التقليب اضفت البهارات
(فلفل اسود - بابريكا - زعتر او روزماري او اوريجانو - قليل من البهار المشكل - كزبره ناشفه - كركم ) وقلبت اضفي الكزبره المفرومه والشبت انا حطيت بس الكزبرة
بعدين في الخلاط (اخلطي 4 طماطم + مكعب ماجي + فنجان زيت زيتون )
واضيفي على الخلطه وقلبي
وهنا السر في النكهه
اضيفي 2 ملعقه طعام سكر وقلبي...
واخر خطوه ((اختياري)) اضفت حمص مطبوخ وجاهز ممكن معلب وممكن انتي تجهزينه
الحين في صينيه بايركس
طبقه باذنجان فوقها طبقه من العصاج..
ايضا في الخلاط اخلطي((3 ملاعق جبن كاسات اي نوع تحبينه +1 علبه قشطه او قيمر +1/2 كوب ماء))
وتصبين فوق اللحم قليل من الخلطه ورشه من جبن البارمزان
ثم نضع طبقه ثانيه باذنجان ومن لحم العصاج وشرايح من الطماطم على الوجه واخيرا الصلصه البيضا وجبن بارمزان وموزاريلا
ندخلها الفرن الى ان تحمر فقط
وقدميها بالف عافيه...وتمتعي بالطعم اللذيذ والمميز جدا..
وقدمي المسقعة مع السلطه والخبز امممممممممم
وهذا صحني من المسقعة للتعذيب مممممممممم
وهكذا انتهينا من المسقعة
وان شاء الله يعجبكم لا تحرموني من تقييمكم