عنوان الوصفة: طريقة طبخ وعمل فتة الخضار بالزبادي بالصور . اضيفت بواسطة : ورد تميم - آمال المقبل . بتاريخ: 15/02/2016.
طريقة طبخ وعمل فتة الخضار بالزبادي بالصور
عملت فتة خضار لذيذه وسهله وسريعه وما ينشبع منها واتمنى تعجبكم
مقادير وطريقة عمل فتة خضار ورد تميم :
اول شي نقلي الخضار مثل باذنجان مقطع مكعبات وبطاطس وجزر وكوسا
ممكن تحطي زهرة .. والخضار اختياري لك اللي ترغبه عائلتك الكريمه جمعتها بعد القلي مع بعض في طبق جميل للتقديم
اخلط 3علب زبادي مع 2ملعقه طحينه وملح وفلفل اسود وشويه خل ابيض ونص فص ثوم
هنا اقلي الخبز ممكن تحطينه بالفرن بس انااحب القلي
هنا قليت مكعبات فلفل ملون ورشيته عالوجه
هنا قليت شويه لوز صنوبري للوجه
هنا بعد ماقليت الخبز واللوز ونشفتهم
هنا سويت كشنه مكونه من بصله وحبة طماطه متوسطه وفص ثوم وفلا وملح وشويه صلصه
ورشيته فوق الخضار وثم رشيت عالوجه زبادي بحيث ماغطى الخضار اخليه يبان
هنا بديت اجمل الطبق بالرمان والخبز المقلي واللوز وحبات الرمان وبليله ( حمص حب )
وهنا حطيت ورقات من الشبت ورشيت سماق
وهنا الشكل النهائي لفتة الخضار والطعم يهبل حلوة بايام الشتاء تكون بديل السلطه البارده