موسوعة الطبخ
عنوان الوصفة: طريقة عمل صينية التوست اللذيذه بالدجاج والجبن والمايونيز بالصور . اضيفت
بواسطة : شهرزاد . بتاريخ: 22/02/2016.
طريقة عمل صينية التوست اللذيذه بالدجاج والجبن والمايونيز بالصور
جايبه لكم صينية التوست بالدجاج
وشفت طريقتها بالتونه وبما أني ما أحبها
فغيرت الى الدجاج وطلعت صج لذيذه
يعني الحشوه تقدرون تغيرون فيها كل واحد وذوقه
المقادير لعمل صينية التوست :
كيس سليس(توست)
صدر دجاجه مسلوق
فليفله بارده
مشروم
ملفوف
بصل
جبنه موزاريلا أو جبنة مبشوره
مقادير عمل الصلصة البيضاء نحتاج:
علبة قشطة
ملعقتين مايونيز
4 ملاعق جبنة سائلة
الطريقة لعمل صينية التوست :
نخلط الصلصة البيضة مع بعض ونجيب صينية الفرن ونمسحها بالقليل من هالصلصة
ونصف عليه طبقه من التوست ونمسحها بنصف مقدار الصلصة
ونعمل الحشوه بتحمير البصل ونضيف عليه الدجاج والمشروم الى أن يحمرو قليلا وبعدها الفليفله والملفوف ونضيف عليهم الملح والفلفل الأسود والبهارات ونضع الخلطه على التوست
ونصف فوقها طبقه ثانيه من التوست ونمسحها بباقي الصلصه ونرش الجبن عليها
وندخلها الفرن لمدة نصف الى ثلث ساعه تقريبا وتحمر من الأعلى
وبعد تطلعون صينية التوست من الفرن شوفو الطعم العجيب واللذيذ
وبالعافيه
أتمنى تعجبكم