هذا مو حلى ! .. هذا فطورالدونات الفرنسية بالتوست بامكانك تتحكمين بتحليته وتقدمين معاه كوب عصير تكمل الشغله
الطريقه اخذتها من نايجيلا لاوسون
نبدأ بسم الله /
المقادير لعمل الدونات الفرنسية بالتوست :
توست ابيض
بيضتين
ربع كوب كريمة الخفق
فانيلا
ربع اصبع زبده
الكميه تكفي لثلاث شرائح توست
التحضير لعمل الدونات الفرنسية بالتوست :
اخفقي البيض والكريمه والفانيلا جيدا واتركيها عشر دقايق .. انا من نفسي اخليها هالمده لان حسيت كل المكونات تتماسك ويبين نكهة الفانيلا .
حبذا لو تكثرين فانيلا .. ليش ؟
لان وجود الفانيلا مع خميرة التوست يعطي نكهة الدونات الاصليه
حمي المقلا وحطي الزبده مع ملعقتين زيت عشان ماتحترق الزبده !!
بعدين غمسي التوست بالخليط السابق مع كل الجهتين وحمريه في الزبده ولما يصير لونها ذهبي لـ بني اقلبيها
بعدين حطيها على ورق نشاف ورشي الوجه من كل الجهتين بالسكر البودره
مو شرط سكر بودره انا احط سكر ناعم
وما اكثر
وهذا شكل الدونات الفرنسية بالتوست في النهايه /
طبعا هنا رشيت الوجه بشوية شراب الذره
واوووووو الطعم ماتشبعين منه بس غصب تشبعين
اتمنى تعجبكم .......}