عنوان الوصفة: صينية توست بالدجاج سهله من مطبخي بالصور . اضيفت بواسطة : النّوار . بتاريخ: 23/02/2016.
طريقة عمل صينية توست بالدجاج سهله من مطبخي بالصور
هذه صينية توست بالدجاج سويتها وطلعت يممممم لذيذة
بس اعذروني مو كل المقادير صورتها ولا كل الخطوات صورتها <<< طيب ليش مصورة أساسًا
المقادير لعمل صينية التوست بالدجاج :
بصلة كبيرة مفرومة
فصين ثوم مهروسين
جزر مبشور
بقدونس مفروم
قرن فلفل
مشروم
مكعب ماجي
3 صدور دجاج مسلوقه ومفتته
توست
علبتين قشطة
كوب جبن سائل
جبن موزريلا
وبهاراتك [ أنا أحب أحط الكاري ] مع رشة ملح
الطريقة لعمل صينية التوست بالدجاج :
نحط البصل والثوم مع شوي زيت على النار إلى أن يذبل
نضيف المشروم
الجزر والبقدونس
الدجاج
نحط مكعب الماجي والبهارات
واحط فوقهم ملعقتين ماء عشان المكعب يذوب والبهارات تتجانس مع باقي المقادير
واخليه إلى ان يتسبك.
أجيب التوست واقطع حوافه وارصه بالصينية
اخلط القشطة مع الجبن وامسحها على التوست
اضيف خلطة الدجاج فوق التوست
وارش فوقها شوي من خليط القشطة مع الجبن
بعدين طبقة ثانية من التوست
واصب خليطة القشطة على السطح وارش عليها جبن موزريلا
أدخل صينية التوست بالدجاج الفرن إلى ان تتحمر من فوق
وهذه صورة صينية التوست بالدجاج بعد ما طلعت [ الإضاءة كانت خفيفة - السموحه - ]
وهني وعافية