اسهل كيكة شكولاتة سويتها..وبنفس الوقت لذيييذة وطرية
جربوها وان شاء الله بتعجبكم مثل مااعجبتني
المميز فيها كل المقادير نحطها مع بعض وبنفس الوقت
طريقة عمل الكيكه :
_ بخلاط الكيك:
٣اكواب دقيق
كوبين سكر
كوب حليب
نصف كوب شكولاتة بودر اختاروا نوعية جيدة مثل ماركة هنتز
٢٠٠ج زبدة(يعني قالبين ابو١٠٠)
ملعقة صغيرة بكنج بودر
ملعقة صغيرة بيكربونات
فانيليا
٤بيضات
_ نخفق كل المقادير مع بعض بدون ترتيب معين..
وأثناء ماتنخلط المكونات اجيب طاسة ثانيةواحط فيها كوب ماءحار وملعقة صغيرة بيكربونات وملعقتين صغار شكولاتة بودر..ونحرك بسرعة ونضيفهم لخليط الكيك ونخفق ونكمل خفق.
.
_ نجهز ٣قوالب صغيرة قطرها٢٠سم وبداخلها ورق زبد ومدهونة الجوانب ونصب الخليط بالتساوي وعلى الفرن المسبق التسخين ١٨٠د لمدة ٤٠دقيقة تقريبا...
.
_ تخرج الكيكات ثم تنزع اوراق الزبد من الكيك وتترك لتبرد تماما..اذا كان فيه ارتفاعات بالكيك حاولوا تعدلون فيها..قصوا المناطق المرتفع لماتتساوى مع بعض..
دهنت بين طبقات الكيك بشوي شيرة عشان تكون الكيك رطبةاكثر..ممكن باي نوع عصير او اي نوع مربى مخفف بموية ومصفينه.
.
. _ بحمام مائي خلطت ٦حبات مارس مع قطعة زبدة..لما ذابوا وبعدين اضفت لهم كريمة خفق تقريبا كوب وخلطتهم..الافضل تقللون كريمة الخفق عشان تعطيكم جناش ثقيل شوي... وآخر شي زينوها باللي تحبون..الكيكة عموما طرية ولذيذة..ولاتحتاج منكم وقت..
..وعفية على قلوبكم مقدما
ملاحظة:قللت كمية الشكولاتةالبودر بالطريقة..لانها طلعت معي غامقة شوي