عنوان الوصفة: طريقة عجينتي الخياليه المفضله قطن وهشه بالصور خطوة خطوة . اضيفت بواسطة : أسطورة الليلك . بتاريخ: 17/06/2016.
طريقة عجينتي الخياليه المفضله قطن وهشه بالصور خطوة خطوة
راح اعرض عليكم عجينتي الخياليه
بدون مبالغه والله كل من ذاقها عندي اخذ طريقتها على طول
والبعض يفكر انها عجينة جاهزه من السوق
انا معتمدتها من اكثر من 12سنه
على قد ما جاء من اشكال والوان من العجائن بس زي هالعجينة هذي ما شفت
اولا طراوه وسهوله وسرعة في التخمير
ندخل في الموضوع على طول
المقادير لعمل العجينة :
3اكواب دقيق ابيض ويمكن اكثر شوي حسب الدقيق
2م متوسطه خميره فوريه
ا م متوسطه بيكنج بودر
م ص ملح
فنجان القهوه سكر
فنجان الشاي زيت
كوب حليب دافئ
نصف كوب ماء دافئ
الطريقه لعمل العجينة:
نخلط جميع المقادير في الخلاط عدا الدقيق والبيكنج بودر
ثم نضيفها الى الدقيق والبكنج بودر
ونعجنها زين اقل شيء 5دقائق
بعدها نغطي العجينة ونتركها تخمر في مكان دافئ مدة 20 دقيقه فقط
بعدها قسمت العجينة 3 اقسام قسمين سويت منه كورسان وهذي الصور توضح
ومهم جدا تترك بعد التشكيل ترتاح اقل شيء 5دقائق
ثم نخبزها في فرن حار على 200 درجه وما تاخذ اكثر من ربع ساعه في الفرن
هنا لمن طلعتها شوفوا كيف انتفشت
شوفوا من جوه كيف هشه