مقادير وطريقة عمل عش النحل :
لعمل عجينه العشر دقايق :
نذوب ملعقتين خميره في كاسين ماي دافي ونحط ربع كاس سكر ونتركها في مكان دافي عشر دقايق
بعدين نحط ٣ ملاعق حليب بودره
نصف كاس زيت
من ٤-٥ كاسات طحين
ذره ملح
وتعجن جيدا و نشتغل فيها ع طول
هنا سويتها دوائر وحشيتها جبن كيري و رصيتها ع شكل وردات
ومسحت الوجه ب صفار البيض و رشه سمسم واتركها ربع ساعه تقريبا تتخمر من جديد هالنقطه حتى تكون العجينه هشه
في هالاثناء اشغل الفرن يسخن
بعدين احط عش النحل وانتبه لايحترق
اول مايطلع من الفرن ارشها بالشيره ( القطر ) احطها في حافظه حتى يظل لين وبس
وبالعافيه